बिर्तामोड / झापाको अर्जुनधारा नगरपालिकामा २२ हजार १७७ मत गणना गर्दा प्रमुख पदका उम्मेद्वार नेकपा एमालेका बलदेव सिंह गोम्देन तामाङको अग्रता कायमै रहेको छ ।
तामाङले १० हजार २६० मत पाएका छन् भने उनका निकटतम् प्रतिस्पर्धी गठबन्धनबाट कांग्रेसका रञ्जिता कार्कीले ८ हजार ९१० मत प्राप्त गरेकी छिन् । राप्रपाका सूर्य कुमार खतिवडाले ८४५ मत पाएका छन् ।
त्यस्तै अर्जुनधाराको उपप्रमुख पदका उम्मेद्वार एमालेकी खड्क मायाँ पराजुलीले १० हजार ६७ मत प्राप्त गरेकी छिन् भने गठबन्धनबाट माओवादीका जितेश योन्जनले पाँच हजार ५६४ मत प्राप्त गरेका छन् ।
त्यसैगरी राप्रपाकी तारादेवी बस्नेतले एक हजार ३०० सय मत पाएकी छिन् ।