सुर्खेत / सुर्खेतमा नेकपा एमाले र कांग्रेसले प्रचारप्रसारका लागि प्रयोग गर्दै आएको गाडीमा अपरिचित समूहले आगो लगाएको छ ।
वीरेन्द्रनगर–६ मा पर्ने मुख्य राजमार्गमा रोकेर राखिएको दुईटा गाडीमा अपरिचित समूहले गएराती आगजनी गरेका हो ।
जुम्ला रोडस्थित सत्कार होटल अगाडि रहेको बा १४ च ६८३१ नं को स्कारपियो र सेन्चुरी बैंक अगाडि रोकेको कर्णाली प्रदेश ०२-००१ ख ००६१ नम्बरको मिनी बसमा आगजनी भएको हो ।
स्कारपियो नेपाली कांग्रेसले चुनाव प्रचारप्रसारमा प्रयोग गर्दै आएको थियो भने मिनी बस नेकपा एमालेले प्रचारप्रसारमा प्रयोग गर्दै आएको थियो ।
२ बजे स्कारपियो र साढे २ बजे मिनीबसमा आगजनी भएको कर्णाली प्रदेश प्रहरी कार्यालयले जनाएको छ ।
आगलागीबाट स्कारपियोको टायर र बाहिरी भागमा क्षति भएको छ भने मिनीबसको सिसा र भित्र सिटहरुमा क्षति भएको समेत प्रहरीले जनाएको छ ।