बिर्तामोड / आसन्न स्थानीय तहको निर्वाचनका लागि मनोनयन दर्ता गराएका मध्ये झापाबाट एक सय ३९ जनाले उम्मेदवारी फिर्ता लिएका छन् ।
मुख्य निर्वाचन अधिकृतको कार्यालयका अनुसार आइतबार र सोमबार मनोनयन दर्ता गराएका उम्मेदवार मध्ये झापाका १५ पालिकाबाट १७ जना प्रमुख–अध्यक्ष, उपप्रमुख–उपाध्यक्षसहित १३९ जनाले उम्मेद्वारी फिर्ता लिएका हुन् ।
कनकाईबाट ११ जना, शिवसताक्षीबाट ११, दमकबाट १३, गौरीगञ्जबाट ३, गौरादहबाट ८, कमलबाट १, झापाबाट २, बाह्रदशीबाट ३, हल्दिवारीबाट ३, कचनकवलबाट ७, अर्जुनधाराबाट २०, बुद्धशान्तिबाट १६, मेचीनगरबाट १६, बिर्तामोडबाट १७ र भद्रपुरमाबाट ५ जना उम्मेदवारले उम्मेद्वारी फिर्ता लिएको मुख्य निर्वाचन अधिकृत गिरिराज गौतमले जानकारी दिए ।
झापामा ७२९ पदका लागि दुई हजार नौ सय १४ जनाले मनोनयन दर्ता गराएका थिए । जसमध्ये नगरपालिकाको प्रमुखमा तीन हजार ३१८ र उपप्रमुखमा दुई हजार ३६ को उम्मेदवारी दर्ता गराएका थिए ।
गाउँपालिका अध्यक्षमा तीन हजार ३०६, उपाध्यक्षमा दुई हजार तीन सय ४३ र वडाध्यक्षमा ३३ हजार एक सय ११, महिला सदस्यमा २४ हजार दुई सय ८३, दलित महिना सदस्यमा २१ हजार नौ सय ७९ जना र सदस्यमा ५१ हजार ९२ जनाले मनोनयन दर्ता गराएका थिए ।