उदयपुर / उदयपुरमा आइतबार दिउँसो सवारी दुर्घटना हुदाँ १ जनाको मृत्यु भएको छ भने, १४ जना घाईते भएका छन् ।
उदयपुरको कटारी नगरपालिका-११ हर्देनी स्थित सिद्धिचरण राजमार्गमा सवारी दुर्घटना भएको हो । दुर्घटनामा परि मृत्यु हुनेमा ओखलढुंगा सुनकोशी गाउँपालिका-४ का ५४ वर्षीय खेम बहादुर कार्की रहेको प्रहरीले जनाएको छ । कार्कीको उपचारका क्रममा बिर अस्पताल काठमाण्डौमा मृत्यु भएको हो । घाईते १४ जनाको उपचारको लागि बिभिन्न अस्पतालहरूमा पठाइएको प्रहरीले जनाएको छ ।
ओखलढुङ्गाबाट उदयपुरको कटारी तर्फ आँउदै गरेको प्रदेश १-०७-००१ज ००११ नम्बरको फोर्स गाडी अनियन्त्रित भई सडकबाट ५ मिटर तल झरेको थियो ।
दुर्घटनामा परि घाइते भएका ओखलढुंगा मोलुङ-२ का २४ वर्षीय एकराज दाहाल र ३० वर्षीया पार्वता पोखरेलको विराटनगर नोवेल अस्पतालमा उपचार भइरहेको छ भने कटारी अस्पतालमा उपचारार्थ रहेका १० जना घाइतेहरू उपचार पश्चात डिस्चार्ज भइसकेको प्रहरीले जनाएको छ । गाडी चालक ओखलढुङ्गा सिद्धिचरण नगरपालिका-१ का २४ वर्षीय सञ्जीव घिमिरेलाई उपचार पश्चात इलाका प्रहरी कार्यालय कटारीले नियन्त्रणमा लिई दुर्घटनाका सम्बन्धमा थप अनुसन्धान गरिरहेको छ ।
