ताप्लेजुङ / ताप्लेजुङमा ट्याक्टर अनियन्त्रित भई दुर्घटना हुँदा १ जनाको मृत्यु भएको छ , भने अन्य ३ जना घाईते भएका छन् ।
शनिबार बेलुका ६ बजे फुङलिङ नगरपालिका-९ गुरुङ गुम्बामा ट्याक्टर दुर्घटना भएको हो । मृत्यु हुनेमा फुङलिङ नगरपालिका-८ का २८ वर्षीय रूपेश राई रहेका छन् ।
फुङलिङ नगरपालिकाको भित्री सडक खण्डमा दाउरा लिएर दक्षिणतर्फ आँउदै गरेको मे १ त ७७८ नम्बरको ट्याक्टर अनियन्त्रित भई सडकबाट १५ मिटर तल खसेर दुर्घटना हुँदा घटनास्थलमै राईको मृत्यु भएको हो , भने अन्य ३ जनाको जिल्ला अस्पताल ताप्लेजुङमा उपचार भइरहेको प्रहरी जानकारी दिएको छ । घटना सम्बन्धमा थप अनुसन्धान भइरहेको जिल्ला प्रहरी कार्यालय ताप्लेजुङले जनाएको छ ।
