ताप्लेजुङ / ताप्लेजुङको फुङलिङ नगरपालिका-९ मा ट्याक्टर दुर्घटनामा परी १ जनाको मृत्यु भएको छ भने, ३ जना घाईते भएका छन् । दुर्घटनामा फुङलिङ नगरपालिका-८ का २८ वर्षीय रूपेश राईको मृत्यु भएको प्रहरीले जनाएको हो ।
हिजो(शनिवार) बेलुका सोहि स्थानको भित्री सडक खण्डमा दाउरा लिएर दक्षिणतर्फ जादै गरेको मे १ त ७७८ नम्बरको ट्याक्टर अनियन्त्रित भई सडकबाट १५ मिटर तल खसेरको थियो । दुर्घटना हुँदा घटनास्थलमानै राईको मृत्यु भएको थियो भने ३ जना जिल्ला अस्पताल ताप्लेजुङमा उपचारार्थ रहेका छन् ।
घटनाको विषयमा थप अनुसन्धान भइरहेको जिल्ला प्रहरी कार्यालय ताप्लेजुङले जनाएको छ ।
