बिर्तामोड / मनकामना कलेजले शुक्रबार रक्तदान कार्यक्रम सम्पन्न गरेको छ । “रक्तदान जीवनदान” भन्ने मूल नाराका साथ मनकामना कलेज विद्यार्थी परिवारको आयोजना तथा नेपाल रेडक्रस सोसाइटी बिर्तामोड उप- शाखाको प्राविधिक सहयोगमा रक्तदान कार्यक्रम सम्पन्न भएको हो ।
रगतको चरम अभावको समस्यालाई मध्यनजर गर्दै गरिएको रक्तदान कार्यक्रममा ७२ पाउण्ड रगत संकलन भएको कलेजका एक विद्यार्थी तथा कार्यक्रम संयोजक बिरु दर्नालले जानकारी दिए । कार्यक्रममा बोल्दै क्यापस प्रमुख प्रेम प्रसाद भट्टराईले रक्तदान जस्तो महान् कार्य गरेकोमा प्रशंसा गर्दै कसैले पनि रगतको अभावमा ज्यान गुमाउन नपरोस् भन्ने धारण व्यक्त गरे ।
