रौतहट / रौतहटबाट भाउजूको हत्याको आरोपमा प्रहरीले एक जनालाई पक्राउ गरेको छ ।
पक्राउ पर्नेमा फतुवा विजयपुर नगरपालिका –२ शितलपुर बस्ने ३५ वर्षीय बिन्दा महतो रहेका छन् ।
महतोलाई ४० वर्षीया भाउजु रमकुम्री देवीको हत्या गरेको आरोपमा बिहीबार बिहान पक्राउ गरिएको जिल्ला प्रहरी कार्यलय रौतहटले जनाएको छ ।
पुरानो रिसिवीको कारण गत चैत ४ गते राती बिन्दाले बाँसको लाठीले हिर्काउँदा रमकुम्री गम्भीर घाइते भएकी थिइन् ।
घाइते रमकुम्रीको ट्रोसिटी अस्पताल वीरगञ्जमा उपचारको क्रममा बिहीबार मृत्यु भएको इलाका प्रहरी कार्यालय सन्तपुरले जनाएको छ ।
