काठमाडौँ / लालबन्दी नगरपालिका –९ स्थित पूर्वपश्चिम लोकमार्गअन्तर्गत वस्तीपुर चोकमा पूर्वबाट पश्चिमतर्फ जाँदै गरेको ना ३ ख ७९९० नं को ट्रकले ठक्कर दिँदा एक छात्रको आज बिहान मृत्यु भएको छ ।
मृत्यु हुनेमा लालबन्दी –९ स्थित जनज्योति माविमा कक्षा ९ मा अध्ययनरत चन्द्रनगर गाउँपालिका –१ का १६ वर्षीय दीपेन्द्रकुमार यादव रहेका छन् ।
इलाका प्रहरी कार्यालय लालबन्दीका कार्यालय प्रमुख प्रहरी निरीक्षक निर्मल थापाका अनुसार ट्युसन पढ्न जाने क्रममा पैदल हिँडिरहेका बेला छात्रलाई ट्रकले ठक्कर दिएको थियो ।
