झापा / मौसम पूर्वानुमान महाशाखाले आज देशका पहाडी भूभागमा आंशिक बदली हुने जानकारी दिएको छ ।
हाल नेपालका पहाडी भूभागहरूमा आंशिक बदली रहेको छ भने तराईका केही स्थानमा हुस्सु लाग्न थालेको छ ।
आज दिउँसो बागमती, गण्डकी, लुम्बिनी र कर्णाली प्रदेशमा आंशिक बदली रही बाँकी भूभागमा मौसम सामान्यतया सफा रहनेछ । आज राति भने देशभरि आंशिक बदली रहनेछ ।
यस्तै महाशाखाले तराईका भूभागहरूमा बिहानको समयमा हुस्सु र कुहिरो लाग्नुका साथै देशभर चिसो बढ्ने क्रममा रहेकोले चिसोबाट बच्न आवश्यक सतर्कता अपनाउन आग्रह गरेको छ ।
