झापा / सिरहाको गोलबजार नगरपालिका – ६ मा दुई समुहबीचमा छुरा हानाहान हुदाँ एक युवकको मृत्यु भएको प्रहरीले जनाएको छ ।
छुरा प्रहारबाट घाइते भएका गोलबजार नगरपालिका – ६ डोहटियाका २६ वर्षीय रामकुमार सदालाई उपचारका लागि धनगढीमाई नगरपालिका– ९ मा रहेको आरके मेरिसीटी अस्पताल पुर्याए लगत्तै उनको मृत्यु भएको हो ।
घटनामा घाइते भएका सोही ठाउँका १९ वर्षीय निकेश सदाको आरके मेरिसीटी अस्पतालमा उपचार भइरहेको छ ।
घटनाबारे थप अनुसन्धान भइरहेको र प्रहरीले घटनामा संलग्नहरूको खोजी गरिरहेको प्रहरीले जनाएको छ ।
