काठमाडौं— राष्ट्रिय स्वतन्त्र पार्टी (रास्वपा)र राष्ट्रिय प्रजातन्त्र पार्टी(राप्रपा)ले आज (शुक्रबार)पनि संसद बैठक बहिस्कार गरेका छन् । शुक्रबार बसेको प्रतिनिधिसभाको बैठकमा रास्वपाबाट गणेश पराजुली र राप्रपाबाट ज्ञानेन्द्र शाहीले आफ्नो भनाई राखेपछि बैठक बहिस्कार गरेर सदनबाट बाहिरिए । उनीहरुले लामो समयदेखि भिटिज भिसा प्रकरणमा उच्चस्तरीय छानबिन समिति बनाएर निष्पक्ष छानविनको माग गर्दै सदन बहिस्कार गर्दै आइरहेका छन् ।
बारा— बाराको सिम्रौनगढमा करेन्ट लागेर १ जनाको मृत्यु भएको छ ।सिम्रौनगढ नगरपालिका— २ अमृतगन्ज बस्ने ६५ वर्षीय रामेश्वर महत्तोको बिहीबार दिउँसो करेन्ट लागेर मृत्यु भएको हो ।सोही ठाउँस्थित तरकारी बारीमा विद्युतीय मोटरबाट पानी तान्ने क्रममा उनलाई करेन्ट लागेको थियो ।थप अनुसन्धान भइरहेको प्रहरीले जनाएको छ ।
काठमाडौं— नेपाली कांग्रेसकी सांसद नागिना यादवले काठमाडौं महानगरपालिकाले कवाड व्यवसायीहरूमाथि गरेको अत्याचार र तोडफोडको विरोधमा आवाज उठाएकी छन्। शुक्रबार प्रतिनिधिसभाको बैठकमा बोल्दै सांसद यादवले महानगरको कार्यशैलीप्रति आपत्ति जनाउँदै अदालतको आदेश विपरीत महानगरले कवाडीहरूमाथि गरेको कारबाही अमानवीय भएको बताइन्।‘यो देशमा सबै नागरिकले सम्मानजनक जीवन बाँच्ने अधिकार छ,’ उनले भनिन्, ‘तर काठमाडौं महानगरले जुन व्यवहार कवाडीहरूमाथि गरिरहेको छ, त्यो अत्याचारपूर्ण र अपमानजनक छ।’उनले केही दिनदेखि काठमाडौं महानगरपालिकाको कारबाहीविरुद्ध कवाड व्यवसायीहरू आन्दोलनमा छन्, तर सरकारले अझैसम्म पहल नगर्नु दुःखद् विष
सिरहा— सिरहाको लहानमा भारतबाट ल्याइएको अवैध कपडा बरामद गरिएको छ। सशस्त्र प्रहरी बल नेपालले भारतीय नम्बर प्लेटको स्करपियो गाडीमा लुकाइएका कपडासहित गाडी नियन्त्रणमा लिएको हो।लहान नगरपालिका–१९ छारापट्टी चोकमा सशस्त्र प्रहरी सुरक्षा बेसको मोबाइल टोलीले चेकजाँचका क्रममा ती सामान फेला पारेको हो। टोलीको नेतृत्व सशस्त्र प्रहरी नायब उपरीक्षक विजयकुमार चौधरीले गरेका थिए।ठाडी–लहान भित्री सडकखण्डमा चेकजाँच भइरहेका बेला बिआर ०१ पिबी ४६४२ नम्बरको सेतो स्करपियो जाँच नगरी तीव्र गतिमा फरार भएको थियो। त्यसपछि सशस्त्र प्रहरीले गाडीको पिछा गर्दा लहान नगरपालिका–१९ कटाहा चोकमा गाडी बेवारिस अवस्थामा भेटिएको हो।सशस्त
काठमाडौं— शिक्षक महासंघले नेकपा माओवादी केन्द्रको पार्टी कार्यालय पेरिसडाँडामा धर्ना दिएका छन् । सरकारले आफूहरूसँग गरेको सहमति पूर्णरुपमा सम्बोधन नगरेको भन्दै महासंघले माओवादीको पार्टी कार्यालयमा धर्ना दिएको हो ।महासंघका अध्यक्ष लक्ष्मीकिशोर सुवेदीले पहिलो चरणको आन्दोलनको कार्यक्रम अन्तर्गत आज माओवादीको पार्टी कार्यालयमा धर्ना दिएको जानकारी दिए । बुधबार नेपाली कांग्रेस र बिहीबार नेकपा एमालेको पार्टी कार्यालयमा धर्ना दिएको महासंघ आज माओवादी केन्द्रको पार्टी कार्यालयमा धर्ना दिन पुगेको हो ।अध्यक्ष सुवेदीका अनुसार महासंघले दिउँसो १ बजे पार्टी कार्यालयमा ध्यानाकर्षण पत्र समेत बुझाउने छ । उनल
परासी— पश्चिम नवलपरासीको बर्दघाटबाट प्रहरीले १८ ओटा गोरुसहित तस्करीमा प्रयोग गरिएको एक ट्रक नियन्त्रणमा लिएको छ।बर्दघाट नगरपालिका–४ को टिसिएन चोकमा पश्चिमतर्फबाट पूर्वतर्फ जाँदै गरेको ना६ख ९१७७ नम्बरको ट्रक नियन्त्रणमा लिएको हो। प्रहरीले चेकजाँच गर्दा ट्रकभित्र १८ वटा गोरु फेला पारेको थियो। तीमध्ये एक गोरु मृत अवस्थामा भेटिएको प्रहरीले जनाएको छ।गोरुलाई सुनवल नगरपालिका–३ कीर्तिपुरस्थित कामधेनु गौशालामा बुझाइएको छ।घटनामा संलग्न ट्रक चालक मकवानपुर, हेटौंडा–१९ बस्तिपुरका २८ वर्षीय तोयनाथ शिवाकोटीलाई नियन्त्रणमा लिएर आवश्यक अनुसन्धान भइरहेको छ।
सर्लाही— इलाका प्रहरी कार्यालय लालबन्दीले २७ किलो लागूऔषध गाँजासहित एक युवकलाई पक्राउ गरेको छ । लालबन्दी नगरपालिका–१४ कामिटार २० वर्षीय सन्ते ब्लोनलाई गाँजासहित प्रहरीले पक्राउ गरेको हो । बाग्मती प्रदेश–०२–०४२ प ४०५३ नम्बरको मोटरसाइकलमा सवार दुई जनाको खानतलासीका क्रममा उक्त गाँजा बरामद भएको प्रहरी नरिीक्षक बिरेन्द्र जोहारीले जानकारी दिए । ब्लोन गाँजाका पाँच पोका राखिएका दुई वटा झोलासहित पक्राउ परे पनि उनीसँगै रहेका एक युवक भने फरार भएका बताइएको छ । प्रहरी निरीक्षक जोहारीले मोटरसाइकलसहित पक्राउ परेका ब्लोनमाथि अनुसन्धान अगाडि बढाइएको बताएका छन् ।
काठमाडौं— नेपाल धितोपत्र बोर्डमा जागिर खुलेको छ । बोर्डले शुक्रबार सूचना जारी गर्दै कर्मचारी माग गरेको हो । बोर्डले ५ जना कर्मचारी माग गरेको छ । जसमा बोर्डले सहायक निर्देशक ३ जना र वरिष्ठ सहायक २ जना कर्मचारी मागेको छ । जागिर गर्ने चाहनेले शुक्रबार (भदौ १३ गते) देखि असोज २ गतेसम्म र दोब्बर दस्तुर तिरेर असोज ९ गतेसम्म आवेदन दिन मिल्ने छ । परीक्षा लिखित र अन्तर्वार्ता हुनेछ छ । परीक्षा लोक सेवा आयोगले सञ्चालन गर्ने सूचनामा उल्लेख छ ।
काठमाडौं— नेपाली बजारमा सुनको मूल्य तोलाकै २ लाख पुगेको छ । बिहीबारको तुलनामा आज सुनको मूल्य बढेर २ लाख नाघेको हो । यो मूल्य हालसम्मकै उच्च हो । सुनको मुल्य तोलामा १२ सयले बढेको छ भने चाँदी ५ ले बढेको छ ।नेपाल सुनचाँदी व्यवसायी महासङ्घका अनुसार आज एक तोला सुनको मूल्य २ लाख ६ सय निर्धारण भएको छ । चाँदी दुई हजार ३६० मा खरिदबिक्री भइरहेको छ ।हिजो एक तोला सुन एक लाख ९९ हजार ४००मा किनबेच भएको थियो भने चाँदी रु दुई हजार ३५० मा कारोबार भएको थियो ।
दार्चुला— दार्चुलामा घाँस काट्न गएकी महिलाको भीरबाट लडेर मृत्यु भएको छ । नौगाड गाउँपालिका–६ खालिडाडामा एक महिलाको भीरबाट लडेर मृत्यु भएको हो।५० वर्षीया ऐति धामी घाँस काटेर घर फर्कने क्रममा घरनजिकैको जंगलमा सन्तुलन गुमाएर भीरबाट लडेकी हुन्। उनको घटनास्थलमै मृत्यु भएको जिल्ला प्रहरी कार्यालय दार्चुलाले जनाएको छ ।जिल्ला प्रहरी कार्यालयका सूचना अधिकारी छत्र रावलले घटनाबारे थप अनुसन्धान गरिरहेको जनाएको छ।
Copyright © 2021 / 2026 / Esoul Media (P) Ltd. / All Rights Reserved.
