काठमाडौं / प्रधानमन्त्री बालेन्द्र शाहलाई ज्यान मार्ने धम्की दिएको आरोपमा उनी निर्वाचित भएको झापा जिल्लाका २३ वर्षीय युवक पक्राउ परेका छन्। झापाको भद्रपुर घर भई कीर्तिपुरमा बस्दै आएका पुष्कर दाहाललाई सामाजिक सञ्जालमा प्रधानमन्त्रीलाई लक्षित गर्दै धम्कीपूर्ण स्टाटस लेखेको आरोपमा साइबर ब्युरोले पक्राउ गरेको हो। दाहालले फेसबुकमा अश्लील शब्द प्रयोग गर्दै प्रधानमन्त्री शाहलाई लक्षित गरी ‘मार्दिन्छु’ भन्ने आशयको स्टाटस लेखेका थिए। उनले उक्त स्टाटसमा नेपाल प्रहरीलाई समेत मेन्सन गरेका थिए।प्रहरीका अनुसार दाहालमाथि विद्युतीय कारोबार ऐन, २०६३ विपरीतको कसुरमा अनुसन्धान अघि बढाइएको छ। घटनाले सामाजिक
काठमाडौं / रसुवाको भोटेकोशीमा आएको भीषण बाढी त्रिशूली नदी हुँदै नुवाकोटको त्रिशूली बजारमा पसेपछि एक हजारभन्दा बढी मानिस सम्पर्कविहीन भएका छन्। बाढीले करिब २ सय घर बगाएको प्रारम्भिक विवरण आए पनि मृतक र घाइतेको यकिन संख्या भने अझै संकलन हुन सकेको छैन। प्रहरी स्रोतका अनुसार बाढीबाट भएको मानवीय क्षतिको प्रारम्भिक अनुमान आए पनि प्रभावित क्षेत्रमा सम्पर्क तथा आवागमन अवरुद्ध भएकाले वास्तविक विवरण पत्ता लगाउन कठिन भइरहेको छ।बाढीले घरबस्ती बगाएपछि ठूलो संख्यामा स्थानीय विस्थापित भएका छन्। सम्पर्कविहीन नागरिकको खोजी तथा उद्धारका लागि सुरक्षा निकाय परिचालन भए पनि प्रभावित क्षेत्रको पूर्ण अवस्था अझै
काठमाडौं / प्रतिनिधिसभाका सभामुख डोलप्रसाद अर्यालले रसुवाको भोटेकोशी नदीमा आएको विनाशकारी बाढीका कारण बुधबारको प्रतिनिधिसभा बैठकको सम्पूर्ण कार्यसूची हटाइएको जानकारी दिएका छन् ।बुधबारको बैठकमा सभामुख अर्यालले बाढीबाट भएको जनधनको क्षतिप्रति दुःख व्यक्त गर्दै विपद्को यस घडीमा घाइतेको उद्धार तथा उपचार, बेपत्ताको खोजी र प्रभावित नागरिकलाई राहत उपलब्ध गराउन आवश्यक समन्वय तीव्र बनाउन सरकारको ध्यानाकर्षण गराए । विपद् प्रभावित नागरिकको उद्धार, राहत तथा सहयोगका लागि राज्यका सम्पूर्ण संयन्त्र परिचालन हुनुपर्ने बताए ।उनले सभामुख अर्यालले उद्धार तथा राहत कार्यमा आवश्यक सहयोग र समन्वय गर्न निजी क्षेत्
काठमाडौँ / रसुवाको भोटेकोशी तथा त्रिशूली नदीमा आएको बाढीका कारण प्रभावित जिल्लामा खोज तथा उद्धार कार्य तीव्र पारिएको छ।राष्ट्रिय विपद् जोखिम न्यूनीकरण तथा व्यवस्थापन प्राधिकरणले रसुवा, नुवाकोट, धादिङ, चितवनलगायतका प्रभावित जिल्लामा खोज तथा उद्धारका लागि हेलिकोप्टर तथा ड्रोन सञ्चालन गर्ने संघसंस्थालाई सम्बन्धित निकायसँग समन्वय गरी सहयोग गर्न विशेष अनुरोध गरेको छ। प्राधिकरणले वायुसेवा सञ्चालक संघ नेपाल, नेपाल ड्रोन संघलगायत हेलिकोप्टर र ड्रोनसँग सम्बन्धित सबै संघसंस्थालाई जिल्ला प्रशासन कार्यालय, सुरक्षा निकाय तथा सम्बन्धित स्थानीय तहसँग समन्वय गरेर उद्धारमा जुट्न आग्रह गरेको हो।बाढीका कारण
काठमाडौं / बाँके कारगारभित्रै योगराज ढकाल‘रिगल’बाट आफ्नो छोरा असुरक्षित भएको पीडित सुरज कशौधन बनियाँकी आमा राजकुमारी बनियाँले आरोप लगाएकी छन् । बुधबार राजधानीको संवाद डबलीमा पत्रकार सम्मेलनको आयोजना गरी कारागारभित्र रिगलले साम्राज्य खडा गरेर सबै कैदि–बन्दीहरुलाई दुःख दिनेगरेकोसमेत परिवारले जानकारी दिएको छ ।आमा राजकुमारीले १२ वर्षदेखि जेल जीवन बिताईरहेका आफ्नो छोरा सुरजलाई रिगलले १ वर्षदेखि लगातार यातना दिदै आएको र पछिल्लो समयमा मार्ने धम्किसमेत दिएको गुनासो गरेकी छन् । “कारगारभित्रै बन्दीहरु असुरक्षित छन्, मेरो छोराले रिगलको भनेको मानेन भनेर यातना दिन मिल्छ, एकजना कैदीले अर्को कैदीलाई अन्
काठमाडौं / बाढीपहिरो प्रभावित क्षेत्रमा तत्काल उद्धार, राहत तथा आपत्कालीन व्यवस्थापनका लागि सरकारले रसुवा र नुवाकोटलाई एक–एक करोड तथा धादिङ जिल्लालाई ५० लाख रुपैयाँ पठाउने भएको छ ।बुधबार विपद् जोखिम न्यूनीकरण तथा व्यवस्थापन राष्ट्रिय परिषद्को बैठकपछि सञ्चारकर्मीहरूसँग कुरा गर्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा। धर्मराज उप्रेतीले जिल्ला विपद् व्यवस्थापन समितिमार्फत उक्त रकम तत्काल पठाउन लागिएको जानकारी दिए ।डा. उप्रेतीका अनुसार विपद्को अवस्थाप्रति सरकार अत्यन्त संवेदनशील रहेको र मन्त्रिपरिषद् ९क्याबिनेट० बैठकबाट थप आवश्यक निर्णयहरू लिइएको बताए
काठमाडौं / पहाडबाट खसेको पहिरोले नदी थुन्यो, नदी थुनिएपछि बनेको पानीको दबाबले बाटो खोज्यो र त्यसको परिणाम नेपालमा देखियो—अकल्पनीय बाढीका रूपमा।तर प्रश्न अब बाढी आयो कि आएन भन्ने होइन। प्रश्न हो—खतरा टरिसक्यो त ?प्रारम्भिक वैज्ञानिक मूल्याङ्कनअनुसार चीनतर्फको घटनासँग जोडिएको ल्हेन्दे नदीमा बनेको प्राकृतिक अवरोध अझै पूर्ण रूपमा खुलेको छैन। त्यहाँ पानीको ठूलो मात्रा बाँकी रहेकाले अर्को चरणमा पानी एक्कासि निकास भए नेपालतर्फ फेरि बाढीको लहर आउन सक्ने जोखिम औँल्याइएको छ। नेपाल र चीनका वैज्ञानिकबीच भएको प्रारम्भिक छलफलअनुसार बाढीको कारणका रूपमा हिमपहिरोले ल्हेन्दे नदी थुनिनुलाई हेरिएको छ। प्रारम
काठमाडौं / तिब्बततर्फबाट आएको भीषण बाढीले रसुवाको टिमुरेस्थित भन्सार कार्यालय पूर्ण रूपमा क्षतिग्रस्त बनेको छ। बाढीका कारण कार्यालय भवन, भौतिक संरचना तथा आसपासका पूर्वाधारमा ठूलो क्षति पुगेको भन्सार विभागले जनाएको छ।भन्सार विभागका महानिर्देशक यमलाल भूसालका अनुसार कार्यालयमा कार्यरत ३७ कर्मचारीमध्ये हालसम्म १७ जनासँग मात्र सम्पर्क हुन सकेको छ भने बाँकी २० जना अझै सम्पर्कविहीन छन्। उनीहरूसँग सम्पर्क स्थापित गर्ने प्रयास जारी रहेको र उपलब्ध माध्यमबाट अवस्थाबारे जानकारी संकलन भइरहेको उनले बताए।भूसालका अनुसार अहिलेको प्रमुख प्राथमिकता सम्पर्कविहीन कर्मचारीहरूको खोजी, उनीहरूको सुरक्षाको सुनिश्च
काठमाडौं / प्रधानमन्त्री बालेन्द्र शाहले रसुवाको भोटेकोशी नदीमा आएको बाढीका कारण उत्पन्न परिस्थितिलाई लिएर बाढीबाट प्रभावित क्षेत्रका सङ्घीय सांसदहरूसँग परामर्श गरेका छन् ।प्रधानमन्त्री तथा मन्त्रिपरिषद्को कार्यालय, सिंहदरबारमा आज आयोजित भेटघाटमा रसुवा, नुवाकोट, धादिङ, गोरखा र चितवनका सङ्घीय सांसदहरूसँग बाढीले पुर्याएको क्षति, तटीय क्षेत्रका बस्तीहरूको अवस्था, उद्धार तथा राहत कार्यका विषयमा केन्द्रित भई छलफल गरेका हुन् ।भेटमा त्यस क्षेत्रका सांसदहरूले आ–आफ्नो क्षेत्रमा परेको असर र उद्धार तथा राहतका लागि आवश्यक कदमबारे प्रधानमन्त्री शाहको ध्यानाकर्षण गराएका थिए । त्यसअघि, प्रधानमन्त्री शाह
काठमाडौं / दूरसञ्चार सेवा प्रदायक एनसेलले रसुवा जिल्लामा बुधबार बिहान आएको भीषण बाढीबाट प्रभावित क्षेत्रमा तीन दिनका लागि भ्वाइस तथा डेटा सेवा निःशुल्क उपलब्ध गराउने भएको छ ।कम्पनीका अनुसार प्रभावित क्षेत्रका सर्वसाधारणलाई तीन दिनको समयावधि रहेको १०० वटा एसएमएससमेत निःशुल्क उपलब्ध गराइनेछ । बाढीका कारण परिवार, आफन्त तथा उद्धार टोलीसँग सम्पर्क गर्न कठिनाइ भइरहेको अवस्थामा निःशुल्क सञ्चार सेवाले प्रभावितलाई सहज रूपमा सम्पर्कमा रहन मद्दत पुग्ने अपेक्षा गरिएको छ ।आपत्कालीन अवस्थामा सञ्चार सेवा निरन्तर हुनु महत्वपूर्ण भएकाले प्रभावित क्षेत्रमा सेवा सहज बनाउन यस्तो व्यवस्था गरिएको एनसेलले जनाएक
Copyright © 2021 / 2026 / Esoul Media (P) Ltd. / All Rights Reserved.
