कपिलवस्तु / उम्मेदवारको मृत्यु भएपछि कपिलवस्तुको महाराजगन्ज नगरपालिकाको निर्वाचन जेठ ३ गतेका लागि सारिएको छ ।निर्वाचन कार्यालयका अनुसार सो नगरपालिकामा नेपाली कांग्रेसबाट उपमेयरमा उम्मेदवारी दर्ता गरेकी शुभावती कुर्मीको निधन भएपछि निर्वाचन सारिएको हो ।निर्वाचन कार्यालय महाराजगन्जले ३ जेठमा निर्वाचन गर्नेगरी निर्वाचन कार्यतालिका प्रकाशित गरेको छ । कार्यतालिका अनुसार आज (बुधबार) मनोनयन दर्ता गरिँदैछ । उम्मेदवार कुर्मीको मंगलबार हृदयघातका कारण निधन भएको थियो । उनको ठाउँमा नेपाली कांग्रेसले रिता कुमारी कुर्मीलाई उम्मेदवार बनाएको निर्वाचन कार्यालय महाराजगन्जले जनाएको छ ।
काठमाडौँ / गोरखामा सर्वदलीय बैठकबाट कांग्रेसका प्रतिनिधि हतियारसहित पक्राउ परेका छन् । घ्याल्चोक प्रहरी चौकीका प्रमुख प्रहरी निरीक्षक ज्ञानेन्द्रकुमार श्रेष्ठका अनुसार बुधबार बिहान करिब ११ बजे गण्डकी गाउँपालिकाबाट कांग्रेसका प्रतिनिधि मनोज गुरुङ हतियारसहित पक्राउ परेका हुन् । निर्वाचन अधिकृतको कार्यालयमा बोलाइएको सर्वदलीय बैठकमा कांग्रेसको तर्फबाट प्रतिनिधि भएर गएका गुरुङको झोलाबाट खुकुरी फेला परेको श्रेष्ठले बताए । उनलाई घ्याल्चोक प्रहरी चौकीबाट खटिएको टोलीले नियन्त्रणमा लिएको हो ।
रुकुम पूर्व / महिलाको अपहरण गरी हत्या गरेको आरोपमा रुकुम पूर्वमा नेकपा (माओवादी केन्द्र) का नेता–कार्यकर्ता पक्राउ परेका छन् ।१९ वैशाखमा टक्सेरा गाउँमा निर्वाचन प्रचारप्रसारका क्रममा भएको विवाद मिलाउन पुगेकी स्थानीय ३९ वर्षीया जुङमाया बुढालाई अपहरण गरी हत्या गरेको आरोपमा प्रहरीले उनीहरूलाई पक्राउ गरेको हो । पक्राउ पर्नेमा माओवादी केन्द्रबाट वडाध्यक्षका उम्मेदवार रहेका कुमार सिंह बुढा, पुथाउत्तरगंगा गाउँपालिका –११ का वडाध्यक्ष जयकुमार बुढा र अर्जुन बुढालाई पक्राउ गरेको जिल्ला प्रहरी कार्यालय रुकुम पूर्वले जनाएको छ ।पीडित पक्षले दिएको किटानी जाहेरीका आधारमा उनीहरूलाई पक्राउ गरिएको रुकुम पूर
काठमाडौँ / नेकपा (एकीकृत समाजवादी)का केन्द्रीय सदस्य पुण्य गौतम नेकपा एमालेमा प्रवेश गरेका छन् । पछिल्लाे समय सामाजिक सञ्जालमा भाइरलम्यनका रुपमा समेत परिचित गौतमले एकीकृत समाजवादी परित्याग गरी आज (मंगलबार) एमाले प्रवेश गरेका हुन् काठमाडौँको भृकुटीमण्डपमा आयोजित चुनावी सभामा एमाले अध्यक्ष केपी ओलीले गौतमलाई पार्टी प्रवेश गराएका हुन् । गौतमसँगै साहित्यकार चन्द्रमणि भट्टराई पनि एमाले प्रवेश गरेका छन् ।ओलीले गौतमलाई एमालेको झण्डा प्रदान गरे भने गौतमले ओलीको खुट्टा ढोगेका छन् । एमाले प्रवेश गरेपछि गौतमले उक्त चुनावी सभामा सम्बोधन पनि गरेका छन् ।सभामा सम्बोधन गर्ने क्रममा गौतम
बिर्तामोड / नेपाली काँग्रेस महामन्त्री विश्वप्रकाश शर्माले आगामी बैशाख ३० मा स्थानीय तहको निर्वाचनमा ढुक्क भएर गठबन्धनका उम्मेदवारलाई मतदान गर्न मतदाताहरूलाई आग्रह गरेका छन् । संयुक्त गठबन्धन बिर्तामोडले आयोजना गरेको चुनावी सभालाई सम्बोधन गर्दै महामन्त्री शर्माले कुनै पनि प्रकारको अहंकार नदेखाई मतदाताहरूसँग भोट माग्न काँग्रेस र माओवादी नेतृत्वको गठबन्धनका उम्मेदवारहरूलाई आव्हान गरेका हुन् । उनले कसैका विरुद्ध नभई देशको मुहार फेर्न चुनावी तालमेल गरेको बताउँदै शर्माले गठबन्धन बारे स्पष्ट समेत परेका छन् । ‘कांग्रेसलाई एक्लै चुनाव लडौं भन्ने नला
काठमाडौँ / राजीव गुरुङ उर्फ ‘दीपक मनाङे’ गण्डकी प्रदेशको युवा तथा खेलकुद मन्त्रीको कुर्सीमा दोस्रो पटक रहेको समयमा उनीविरुद्ध सर्वोच्चमा मुद्दा दायर भएको छ । गुरुङ मन्त्रीको कुर्सीमा रहेकै बेला मंगलबार सर्वोच्च अदालतमा उनी विरुद्ध कर्तव्य ज्यानको मुद्दा पेसीमा चढेर स्थगित भएको हो । गुण्डा नाइके चक्रे मिलनलाई खुकुरी प्रहार गरी घाइते बनाएको अभियोगमा उनलाई दोषी ठहर गर्दै सर्वोच्चले ५ वर्ष जेल सजाय गर्ने तत्कालीन पुनरावेदन अदालत पाटनको फैसला सदर गरेको थियो ।त्यही समयमा मनाङबाट प्रदेश संसद्मा निर्वाचन निर्वाचित भएका उनी निर्वाचित भएको ५ महिनामै पक्राउ परेर ८ महिनाको कैद
बिर्तामोड / गौरीगञ्ज गाउँपालिकामा नेकपा एकीकृत समावादी बाट अध्यक्षको उम्मेदवार बनेका भूपनारायण राजवंशीका एमालेमा प्रबेश गरेका छन् । उनले एमाले अध्यक्ष केपी शर्मा ओलीसँग भेट गरेर उनले एमालेमै फर्किएको घोषणा गरेका हुन् ।एमाले विभाजन हुँदा समाजवादी रोजेर स्थानीय चुनावमा गाउँपालिका अध्यक्ष उम्मेदवार पनि बनेका राजवंशी चुनावको पूर्वसन्ध्यामा एमालेमै फर्किएका हुन् ।एमाले फर्किएको घोषणा गरेका भूपनारायणले विज्ञप्ति जारी गर्दै भनेका छन्, ‘नेकपा एमालेभित्रको तत्कालीन अन्तर्विरोधमा म एउटा पक्षमा लागेको थिएँ । त्यो पक्ष माधव नेपाल नेतृत्वको पक्ष थियो । जतिबेला म
झापा / वैशाख ३० गते हुने स्थानीय तह निर्वाचनका लागि मंगलबार राति १२ बजेपछि मौन अवधि लागू हुँदै छ । निर्वाचन आयोगले पालिकाका प्रमुख–अध्यक्ष, उपप्रमुख–उपाध्यक्ष, वडाध्यक्ष र सदस्य चुन्न मतदान सुरु हुनु ४८ घण्टाअघिदेखि मतदान नसकिएसम्म कायम रहने गरी मौन अवधि लागू गरेको हो । निर्वाचन निष्पक्ष, भयमुक्त वातावरणमा सम्पन्न गर्न मौन अवधि तोकिएको हो । मौन अवधिभर दल, तिनका भ्रातृ संगठन, उम्मेदवार, संघ संगठन लगायतले राजनीतिक प्रचार, भेला, गोष्ठी आयोजना गर्न नपाउने आयोगको आचरण निर्देशिकामा उल्लेख छ ।निर्देशिका विपरीत मौन अवधिमा मतदाता प्रभावित पार्ने गतिविधि गरे उम्मेदवारी रद्ददेखि १ लाख रुपै
सिरहा / आसन्न स्थानीय तह निर्वाचनमा उम्मेदवारी दिएका एक जना वडा सदस्यको मृत्यु भएको छ। नेकपा एमालेबाट सिरहा नगरपालिका –५ का वडा सदस्यका उम्मेदवार ६५ वर्षीय मुना सेखको मृत्यु भएको हो।प्रमुख निर्वाचन अधिकृत प्रकाश खरेलका अनुसार सेखको मृत्युपछि उनकै श्रीमती रहमान खातुनले उम्मेदवारी दिएकी छिन्।सेखको मृत्यु भएको खबर पाएलगत्तै निर्वाचन आयोगलाई सूचना दिएर निर्वाचन आयोगले पठाएको प्रकृया अनुसार ३० वैशाखकै निर्वाचनमा सहभागी हुने गरी उम्मेदवारी दर्ता गराएको निर्वाचन अधिकृत खरेलले जानकारी दिए।खरेलका अनुसार खातुनलाई निर्वाचन चिह्न समेत प्रदान गरिएको छ ।
पोखरा / नेकपा एमाले अध्यक्ष केपी शर्मा ओलीले विकासका लागि पठाइने बजेट कसैले रोक्न नसक्ने बताएका छन्।पोखरामा आयोजित चुनावी सभालाई आज (सोमबार) सम्बोधन गर्दै ओलीले बजेट पठाउँदिन भन्नलाई कसैको पेवा नभएको बताएका हुन् ।केही दिन डडेल्धुरामा आयोजित चुनावी सभामा आयोजित कार्यक्रममा प्रधानमन्त्री शेरबहादुर देउवापत्नी आरजु राणाले कांग्रेस नजित्ने क्षेत्रमा बजेट नपठाउने बताएकी थिइन्।त्यसको प्रतिवाद गर्दै ओलीले भने, – ‘विकासका लागि बजेट पठाउँदिन भन्ने तिनको माइतीको पेवा हो ?, हामीले नजितेका क्षेत्रमा बजेट दिदैनौँ भन्न पाइन्छ ?’
Copyright © 2021 / 2026 / Esoul Media (P) Ltd. / All Rights Reserved.
