काठमाडौँ / नेपाल भ्रमणमा रहेका चिनियाँ विदेशमन्त्री वाङ यी र नेपालका परराष्ट्रमन्त्री डा.नारायण खड्का बिच आज(शनिबार) भेटवार्ता भएको छ । सिंहदरबारस्थित परराष्ट्र मन्त्रालयमा आज नेपाल र चिनियाँ समकक्षीबीच भेटवार्ता भएको हो ।भ्रमण तालिका अनुसार दुई परराष्ट्रमन्त्रीबीच शनिबार भएको छलफलपछि प्रतिनिधिमण्डलस्तरीय छलफल हुनेछ । त्यसपछि शनिबार नै नेपाल र चीनबीच विभिन्न सम्झौतामा दुईपक्षीय छलफल हुनेछ ।चिनियाँ विदेशमन्त्री वाङ यीले प्रधानमन्त्री शेरबहादुर देउवासँग पनि भेटवार्ता गर्नेछन् । शुक्रबार नेपाल आएका विदेशमन्त्री यी आइतबार स्वदेश फर्किनेछन् ।
काठमाडौं / माधवकुमार नेपाल नेतृत्वको नेकपा (एकीकृत समाजवादी)ले गठबन्धनबारे संवाद गर्न कार्यदल गठन गर्ने भएको छ । महासचिव डा. बेदुराम भुसाल नेतृत्वमा कार्यदल गठन गरिने एकीकृत समाजवादीका पार्टी प्रचार विभाग प्रमुख जगन्नाथ खतिवडाले जानकारी दिए ।खतिवडाका अनुसार नेपाली कांग्रेस, नेकपा (माओवादी केन्द्र), जनता समाजवादी पार्टीलगायत दलसँग गठबन्धन गर्न संवाद गर्ने कार्याधिकार कार्यदललाई दिइने छ । एकीकृत समाजवादी पार्टी पहिलोपटक निर्वाचनमा जाँदैछ । निर्वाचनबाट राष्ट्रिय दल बन्न चुनौती छ । महाकाली सन्धिप्रति विरोध जनाउँदै २०५४ मा एमालेबाट अलग भएर नेता वामदेव गौतम नेतृत्वमा नेकपा (माले) गठन हुँदा
तनहुँ / आगामी वैशाख ३० गते हुने स्थानीय तहको निर्वाचनका लागि तनहुँमा २३ राजनीतिक दल दर्ता भएका छन् । राष्ट्रिय मान्यता प्राप्त छ दलसहित सत्र दलले निर्वाचनका लागि विवरण बुझाएका हुन् । सबै दलका प्रतिनिधिलाई चुनाव चिह्न प्रदान गरिने जिल्ला निर्वाचन कार्यालयका प्रमुख हरिप्रसाद ढकालले जानकारी दिए। दलबाहेक अन्य व्यक्ति निर्वाचनमा उम्मेदवार बन्न चाहे स्वतन्त्र रुपमा चुनावमा उठ्न सक्ने छन् । राष्ट्रिय मान्यता प्राप्तबाहेक सत्र वटा दललाई उनीहरूको विधानमा उल्लेख भए अनुरुपको चुनाव चिह्न प्रदान गरिने उनले बताए ।चैत १३ गतेभित्र जिल्लाको अन्तिम मतदाता नामावली प्रकाशित गरिने कार्यालय प्रमुख ढकालले
काठमाडौँ / प्रधानमन्त्री शेरबहादुर देउवाले बहुक्षेत्रीय प्रावधिक तथा आर्थिक सहयोगका बङ्गालको खाडीको प्रयास (बिमस्टेक) को पाँचौ शिखर सम्मेलनलाई सम्बोधन गर्ने भएका छन् । श्रीलङ्काको राजधानी कोलम्बोमा हुने बिमस्टेक शिखर सम्मेलनलाई प्रधानमन्त्री देउवाले काठमाडौँबाटै सम्बोधन गर्ने परराष्ट्र मन्त्रालयले जनाएको छ । बिमस्टेकको पाँचौँ शिखर सम्मेलन चैत्र १६ गतेदेखि सुरु हुँदैछ । सम्मेलनमा सहभागिता जनाउन परराष्ट्रमन्त्री नारायण खड्का नेतृत्वको प्रतिनिधिमण्डल भने कोलम्बो जाने भएको छ । बिमस्टेकको पाँचौं सम्मेलन हाइब्रिड (आधा भर्चुअल र आधा भौतिक उपस्थिति) शैलीमा हुने भएको छ ।
रूपन्देही / तराई मधेश जनता पार्टी (टाईगर्स)ले आगामी वैशाख ३० गते हुने स्थानीय तहको चुनाव बहिष्कार गर्ने घोषणा गरेको छ । शनिबार भैरहवामा पत्रकार सम्मेलन गरी सरकार र पार्टीबीच भएको ११ बुँदे सहमति कार्यान्वयन नभएको भन्दै स्थानीय निर्वाचन बहिष्कार गरेको घोषणा गरेको हो । पार्टीका केन्द्रीय सहसचिव मेजर पाण्डेले ११ बुँदे सम्झौता कार्यान्वयन नभएको, सुकुम्बासीको समस्या समाधान नभएको, अझै पनि कतिपय नागरिक नागरिकताबाट वञ्चित हुनुपरेकाले पार्टीले निर्वाचन बहिष्कार गर्ने बताए ।पटकपटक सरकारसँग माग पुरा गर्न आग्रह गरे पनि पूरा नभएको उनको भनाई छ । अब शान्तिपूर्ण आन्दोलनमा उत्रिने पाण्डेले बताए । 
काठमाडौं / निर्वाचन आयोगले भोलि आइतबार मतदाता नामावली सार्वजनिक गर्ने भएको छ । नामावलीको अन्तिम तयारी भइरहे आयोगका प्रवक्ता शालिग्राम शर्मा पौडेलले जानकारी दिएका छन् । यसैबीच, आयोगले स्थानीय तहको निर्वाचनको मतपत्र जनक शिक्षा सामग्री लिमिटेडबाट छपाइ गर्ने निर्णय गरेको छ । आयोगले शिक्षा सामग्रीलाई छाप्ने मेसिनलगायतका साधन चुस्त दुरुस्त राख्न निर्देशन पनि दिएको प्रवक्ता पौडेलले जानकारी दिए ।उनका अनुसार करिब २ करोड मतपत्र छाप्ने तयारी छ । यसअघि पनि जनक शिक्षाबाटै मतपत्र छाप्ने गरिएको थियो । आयोगले मतपत्र छपाइको मेसिन खरिद गरे पनि उक्त मेसिनबाट सम्भव नहुने बताइएको छ । स्थानीय तहको निर्वाच
काठमाडौँ / जनता समाजवादी पार्टी नेपालका प्रमुख सचेतक तथा सांसद प्रमोद साहमाथि आक्रमण भएको छ । सर्लाही क्षेत्र नम्बर १ बाट निर्वाचित सांसद साह ईश्वरपुर नगरपालिका बयलबास बजारमा बिहान १० वजे संघातिक आक्रमण भएको हो ।साह नगरपालिकाको युवा क्लब उद्घाटन कार्यक्रममा जाँदा निर्वाचन आचारसंहिता उल्लंघन गरेको भन्दै जनमत पार्टीका कार्यकर्ताले अवरोध गरेपछि जसपा र जनमतका कार्यकर्ताबीच झडप भएको थियो । झडपमा परी शाहको टाउको फुटेको छ भने उनका साथमा रहेका सुरक्षा गार्डलाई पनि जनमतका कार्यकर्ताले कुटपिट गरेका छन् । उनीहरु दुबै जनाको लबासस्थित अमृत हेल्थ केयरमा उपचार भइरहेको छ ।
तेह्रथुम / स्थानीय तहको निर्वाचन नजिकिँदै गर्दा तेह्रथुममा नेपाली कांग्रेसले कार्यकर्ता भेटघाट तथा अन्तरकृया कार्यक्रम सुरु गरेको छ । कांग्रेसले गत निर्वाचनमा ६ वटा स्थानीय तह मध्ये एउटा पालिका मात्रै जितेकोमा आसन्न निर्वाचनमा भने सबै पालिका जित्ने तयारीका साथ कार्यकर्ता भेटघाट सुरु गरेको हो । गत निर्वाचनमा कांग्रेसले प्रदेश निर्वाचन क्षेत्र (क) र (ख) साथै संघीय सांसदसमेत गुमाएको थियो । यही ३० बैशाखमा हुन गई रहेको निर्वाचनमा सबै पालिका, प्रदेश निर्वाचन क्षेत्र र सङ्घमा जित सुनिश्चित गर्न कंग्रेसले पार्टीका शुभेच्छुक र कार्यकर्ताहरूसँग भेटघाट र अन्तरक
काठमाण्डौ / अमेरिकी सहयोग परियोजना एमसीसी कार्यान्वयनमा गएपछि एमसीसी प्रति असन्तुष्ट बनेको छिमेकी मुलुक चिनका विदेशमन्त्री नेपालको तीन दिने भ्रमणका क्रममा काठमाण्डौ आइपुगेका छन् ।पाकिस्तान , अफगानिस्तान र भारतको भ्रमण सकेर चिनिँया विदेशमन्त्री वाङ यी शुक्रबार तिन दिनका लागि काठमाण्डौ आईपुगेका हुन् ।नेपाल सरकारको निमन्त्रणामा नेपाल आएको बताइएपनि पछिल्लो समयमा पश्चिमा मुलुक नेपालमा हावी भएको अवस्थामा उनी नेपाल आइपुगेका हुन् ।भारतको नयाँ दिल्लीबाट विशेष विमानबाट काठमाण्डौ आइपुगेका उनी विमानस्थलबाट सिधै बत्तिसपुतली स्थित होटल द्धारिकाज गएका छन् । नेपालमा रहँदा उनी होटल द्धारिकाजमा नै रहने काठमाण्ड
पूर्व राजा ज्ञानेन्द्र शाह र पत्नी कोमल शाह विगतका वर्ष झै यसपटक पनि नयाँ वर्ष मनाउनका लागि झापा आइपुगेका छन् ।पूर्वराजा ज्ञानेन्द्र शाह र पत्नी कोमल शाह चन्द्रगढी विमानस्थल हुँदै झापाको दमक स्थित आफ्नै स्वामित्वमा रहेको हिमालयन टि स्टेट आइपुगेका हुन् ।नयाँ वर्ष मनाउनका लागि पूर्वराजा – रानि आफ्ना सहयोगी र सुरक्षाकर्मी सहित दमक आइपुगेका हुन् । पूर्वराजा रानीको आगमनमा स्वागतका लागि सयौ सर्वसाधारण विमानस्थल सम्म नै पुगेका थिए ।
Copyright © 2021 / 2024 / Esoul Media (P) Ltd. / All Rights Reserved.