काठमाडौं— औषधि व्यवसायीहरूले औषधि ऐन, २०३५ को दफा ११ मा रहेको आफूहरूका लागि अव्यावहारिक र कार्यान्वयन गर्न कठिन प्रावधान खारेज गर्न माग गर्दै आइतबार औषधि व्यवस्था विभागको केन्द्रीय कार्यालयमा धर्ना दिएका छन्।
उनीहरुका अनुसार सम्बन्धित दफामा रहेका कतिपय नियमहरू हालको संरचना, बजार प्रणाली र सेवाको पहुँचसँग मेल नखाने खालका छन्। उनीहरूका अनुसार विधेयकका प्रावधान कडाइका नाममा अत्यधिक जटिल र व्यवहारमै नलाग्ने भएकाले व्यवसाय सञ्चालनमा अनावश्यक बोझ थपिएको बताएको छ।
धर्नामा सहभागी व्यवसायीहरूले विभागका अधिकारीहरूलाई मागपत्र समेत बुझाएका छन्। उनीहरूले नियमनलाई वैज्ञानिक, व्यवहारिक र वर्तमान स्वास्थ्य सेवा व्यवसायअनुकूल बनाउन संशोधन आवश्यक रहेको बताएका छन्।
धर्ना स्थलमा सुरक्षा व्यवस्था कडा बनाइएको थियो। विभागका अधिकारीहरूले व्यवसायीहरूको मागबारे सम्बन्धित निकायसँग छलफल गरी आवश्यक प्रक्रिया अघि बढाइने बताएका छन्।
