बझाङ— आज मध्यान्ह १२ बजेर ९ मिनेट जाँदा बझाङको साइपाल आसपास केन्द्रविन्दु भएर भूकम्पको धक्का महसुस गरिएको छ । साइपाल हिमालमा केन्द्रविन्दु बनाएर चार दशमलव चार रेक्टरस्केलको भूकम्प गएको भूकम्प मापन केन्द्र सुर्खेतले जनाएको छ ।
साइपाल हिमालमा केन्द्रविन्दु बनाएर गएको भूकम्पले बझाङसहित बाजुरामा पनि धक्का दिएको छ । पश्चिमी क्षेत्रमा भूकम्प आउन थालेपछि स्थानीय त्रसित बनेका छन् । भूकम्पीय जोखिममा रहेको सुदूरपश्चिम प्रदेशको बझाङसहित आसपासका स्थानीय त्रसित भएका छन् ।
भूकम्पको धक्का महसुस गरिएपछि सतर्कता अपनाउन स्थानीय प्रशासनले सबैमा आग्रह गरेको छ ।
