काठमाडौं— संघीय संसद्को आधिकारिक वेबसाइटको सर्भर डाउन भएको छ। यसले प्रयोगकर्ताहरूलाई वेबसाइटमा पहुँच गर्न समस्या भइरहेको छ।
संसद् सचिवालयका प्रवक्ता एकराम गिरीले सर्भरमा समस्या देखिएको छ र त्यसको समाधानमा प्राविधिक टोली खटिएको जानकारी दिए।
“सर्भर डाउन भएको छ। बनाउन भनिएको छ। प्राविधिक टिमले हेरिरहेको छ,” गिरीले भने।
हालको लागि सर्भर कहिलेसम्म सञ्चालनमा आउने भन्नेबारे निश्चित समय तोकिएको छैन। सचिवालयले समस्या चाँडै समाधान हुने अपेक्षा व्यक्त गरेको छ।
