काठमाण्डौ । पत्रकार श्यामसुन्दर पुडासैनीको अल्पायुमै निधन भएको छ । शुक्रबार राति १०ः३० बजे काठमाडौंको चाबहिलस्थित हेल्पिङ ह्यान्ड्स अस्पतालमा उनको निधन भएको हो ।
नेपाल भ्यूजका उपसम्पादक पुडासैनी कार्यालयबाट कपनस्थित आफ्नो कोठामा फर्किएको केही समयमै अचानक बेहोस भएका थिए । छिमेकीले तत्काल ट्याक्सीमार्फत अस्पताल पुर्याए पनि चिकित्सकले उनको मृत्यु भइसकेको घोषणा गरे ।
उनलाई हृदयाघात भएको अनुमान गरिएको छ।नुवाकोटका पुडासैनी हिमालय टाइम्स,माउण्टेन टेलिभिजन,प्राइभ टेलिभिजन र रेडियो अन्नपूर्णमा समेत काम गरेका थिए।
