झापा- झापा र मोरङको छुट्टा छुट्टै स्थानबाट प्रतिबन्धित लागुऔषध ब्राउन सुगर सहित ३ जनालाई प्रहरीले पक्राउ गरेको छ । हिजो मोरङको बिराटनगर महानगरपालिका-१५ स्थितमा लागुऔषध नियन्त्रण ब्युरो बिराटनगरबाट खटिएको प्रहरी टोलीले चेक जाँचको क्रममा भारतबाट नेपाल तर्फ आउदै गरेका प्रदेश १-०२-०४५ प १३८७ नम्बरको मोटरसाईकल चालक बिराटनगर-४ का २३ बर्षीय निश्चल गुरुङको साथबाट ३२ ग्राम ब्राउन सुगर बरामद गरेको हो ।
त्यसै गरी बिशेष सुचनाको आधरमा प्रहरी चौकी केर्खा झापाबाट खटिएको प्रहरी टोलीले कमल गाउँपालिका-४ का ४२ बर्षीय ईन्द्र बहादुर लिम्बुको साथबाट ४ सय २० मिलिग्राम र २३ बर्षीय सतिष तामाङ्को साथबाट २ सय २० मिलिग्राम ब्राउन सुगर बरामद गरेको हो । प्रतिबन्धित लागुऔषध ब्राउन सुगर सहित पक्राउ परेका उनिहरुको सम्बन्धित प्रहरी कार्यालयहरुबाट थप अनुसन्धान भईरहेको छ ।
