काठमान्डौ । सिन्धुलीमा बस दुर्घटना भएको छ । ओखलढुङ्गाको रुम्जाटारबाट काठमाडौं आउँदै गरेको बा २ ख ६५९६ नम्बरको यात्रुवाहक बस सिन्धुलीको खाङ्साङमा दुर्घटना हुँदा पाँच जनाको ज्यान गएको छ।
फिक्कल गाउँ पालिका–४ खाङ्साङ कुइभीरमा बस दुर्घटनामा परेको हो । बस सडकको भित्तामा ठोक्किएर दुर्घटना भएको जिल्ला प्रहरी कार्यालयका सिन्धुलीका प्रवक्ता डीएसपी चिरञ्जीवी दाहालले जानकारी दिनुभयो।
दुर्घटनामा ज्यान गुमाउनेमा दुई महिला, दुई पुरुष र एक बच्चा छन् । दुर्घटनामा अन्य २४ जना घाइते भएका छन् । उनीहरूलाई दुर्घटना स्थलबाट उपचारको लागि सिन्धुलीको खुर्कोट ल्याइएको छ ।
