काठमाडौँ / पूर्व सञ्चारकर्मी राजनीतिमा होमिएका रवि लामिछानेले नयाँ पार्टीको नाम घोषणा गरेका छन् । मंगलबार काठमाडौंको राष्ट्रिय सभागृहमा आयोजित घोषणा सभामा लामिछानेले दलको नाम राष्ट्रिय स्वतन्त्र पार्टी घोषणा गरेका हुन् । लामिछानेले पार्टीको भ्रातृ संगठन नबनाउने पनि घोषणा गरे । पार्टीमा कोही पनि कार्यकर्ता नहुने र सबै सदस्य मात्र हुने उनले बताए । सदस्यले मत हाल्ने बाहेक पार्टीका लागि कुनै काम गर्नु नपर्ने उनले बताए । पार्टी घोषणा गर्नुअघि उनले आफू व्यवस्था परिवर्तन गर्न नभई जनताको अवस्था परिवर्तन गर्न राजनीतिमा आएको बताएका छन् ।