काठमाडौँ / एमालेका नेता तथा सांसद भीम रावलले शेरबहादुर देउवा ५ पटक प्रधानमन्त्री बन्दा देशको स्वतन्त्रता र स्वाधीनता खतरामा परेको बताएका छन् ।
आज (आइतबार)को प्रतिनिधिसभाको बैठकमा बोल्दै रावलले देउवा ५ पटक प्रधानमन्त्री बन्दा देशको स्वतन्त्रता र स्वाधीनता नै खतरामा परेको बताएका हुन् ।
देउवा पाँचौँ पटक प्रधानमन्त्री बन्दा अहिले संविधान मिच्दै धमाधम शक्ति राष्ट्रसँग सामरिकलगायतका सम्झौता भइरहेको बताउँदै रावलले भने, –‘२०५२ सालमा शेरबहादुर देउवा पहिलोपटक प्रधानमन्त्री हुँदा देश हिंसाको बाटोमा लागेको थियो । सोही समयमा महाकाली सन्धि पनि भयो ।’
‘दोस्रोपटक प्रधानमन्त्री बन्दा देशमा प्रतिगमन आयो । ७ चोटी प्रधानमन्त्री बन्नु भयो भने कस्तो होला ?’ उनले भने ‘यो गतिविधिले नेपालको स्वाधीनता र स्वतन्त्रता नै खतरामा पर्न थालेको छ ।’
रावलले नेपाल सरकार र अमेरिकी मिलिनियम च्यालेन्ज कर्पोरेसन (एमसीसी) अनुमोदन गर्दा भएको १२ बुँदे व्याख्यात्मक सम्झौता संसद्मा पेस नगर्नुको कारण सोधेका छन् ।
