काठमाडौं / पूर्वअर्थमन्त्री वर्षमान पुनले सरकारले बजेटमार्फत कृषि क्षेत्रलाई प्राथमिकतामा राख्नु सकारात्मक भएको बताएका छन् ।
प्रतिनिधिसभामा बजेटमाथिको छलफलमा भाग लिँदै पुनले कृषि क्षेत्रमा आमूल परिवर्तनका कार्यक्रम ल्याएकोमा अर्थमन्त्रीलाई धन्यवाद पनि दिए ।
पुनले भने, ‘अर्थतन्त्रको संरचनागत परिवर्तन गर्ने विषयमा बजेटले प्रयास थालेको छ । कृषिमा ३२ प्रतिशत बजेट बढाइएको छ । यो अत्यन्तै सकारात्मक र क्रान्तिकारी कदम हो ।’
विद्युतीय सवारीसाधनलाई प्रोत्साहन गर्ने नीतिलाई सरकारले प्राथमिकतामा राख्नुपर्ने सुझाव पुनले दिए ।
बजेटलाई लाई ‘गठबन्धनको घोषणापत्र’ का रुपमा प्रतिपक्षले व्याख्या गरेको भन्दै पुनले प्रतिपक्षले भनेको सत्य भए नेपालका प्रहरी, सैनिक, कर्मचारीदेखि ज्येष्ठ नागरिक र किसानसम्म सबैले गठबन्धनलाई साथ दिने बताए ।
