काठमाडौं / सरकारले आर्थिक वर्ष २०७९/०८० का लागि ल्याएको बजेटमा किसान पेन्सन योजना ल्याउने जनाएको छ ।
अर्थमन्त्री जनार्दन शर्माले अहिले संघीय संसद्मा प्रस्तुत गरिरहेको बजेटमा उनले यो योजना ल्याउन लागिएको बताएका हुन्।
उनले भने –‘किसान हुनुमा आत्मसम्मान गौरव बढाउन किसान पेन्सन योजना अगाडि सारेको छु । यो योजना अन्तर्गत किसान हितकोष स्थापना गर्ने र त्यसका लागि बीउ पुँजीमार्फत एक अर्ब विनियोजन गरेको छु ।’
त्यस्तै सरकारले कृषिमा उपयोग गर्ने गरी ग्रामीण विकास लघुवित्त वित्तीय संस्थाको पुनर्संरचना गर्ने भएको छ ।
मन्त्री शर्माले स्थानीय तहलाई सेयर समेत दिलाएर त्यस्ता संस्थामार्फत किसान, महिला र दलितलाई सहुलियत पूर्णऋण दिने घोषणा गरेको हुन् ।
