झापा / गत वैशाख ३० गते ७५३ स्थानीय तहको निर्वाचनको मत गणना धमाधम भइरहेको छ । हालसम्म एक महानगरसहित ६८३ पालिकाको मतपरिणाम सार्वजनिक भएको छ ।
शनिबार बिहान ६ बजेसम्ममा मोरङको विराटनगर महानगरपालिकासहित देशभरका ६८३ स्थानको परिणाम सार्वजनिक भएको हो ।
परिणामअनुसार ३०४ स्थान जितेर कांग्रेस पहिलो स्थानमा रहेको छ भने दोस्रोमा रहेको एमालेले १८६, माओवादी केन्द्रले ११६ पालिका प्रमुख जितेको छ ।
यस्तै जनता समाजवादी पार्टीले २३, नेकपा एकीकृत समाजवादीले १७ र लोकतान्त्रिक समाजवादी पार्टीले १० स्थानमा जित हात पारेको छ ।
राप्रपा, नेपाल लोकतान्त्रिक पार्टी, नागरिक उन्मुक्ति पार्टी, जनमत पार्टीलगायतले २७ स्थानमा जितेका छन् ।
उपप्रमुखतर्फ कांग्रेस २७९, एमाले २१२, माओवादी १२०, जसपा २५, एकीकृत समाजवादी २१, लोसपा ९ र अन्यले १७ पालिकामा जितेका छन् ।