बिर्तामोड / झापाको मेचीनगर नगरपालिकाबाट प्रहरीले लागूऔषधसहित २ जनालाई पक्राउ गरेको छ । पक्राउ पर्नेमा झापा बुद्धशान्ति गाउपालिका -४ का ४३ वर्षीय कशोर सुनुवार र काठमाडौँ महानगरपालिका- ५ का ३१ वर्षीय सन्त महर्जन रहेका छन् ।
लागू औषध नियन्त्रण युरो काँकडभिट्टा र इलाका प्रहरी कार्यालय काँकडभिट्टाबाट खटिएको प्रहरी टोलीले उनीहरूलाई २८ ग्राम ब्राउन सुगर सहित नियन्त्रणमा लिएको हो ।
पूर्वबाट पश्चिमतर्फ आउदैँ गरेको ३-०१-००६ ख ०६२६ नं को बसमा चेक जाँच गर्ने क्रममा लागूऔषध फेला परेको र हाल उनीहरूलाई इलाका प्रहरी कार्यलय काँकडभिट्टामा राखी थप अनुसन्धान भइरहेको प्रहरी नायब उपरीक्षक बसन्त पाठकले जानकारी दिएका छन ।
