काठमाडौँ / काठमाडौँको स्वयम्भू क्षेत्रबाट प्रहरीले मंगलबार राती गोली लोड गरिएका तीन थान पेस्तोल सहित तीन युवालाई पक्राउ गरेको छ । महानगरीय प्रहरी परिसर शोभाभगवतीबाट गस्तीमा परिचालित प्रहरीले हतियार सहित तिन जनालाई पक्राउ गरेको हो ।
पक्राउ पर्नेहरुमा रौतहट घर भई काठमाण्डौको ब्रम्हटोल बस्ने १८ वर्षीय राजकुमार बानियाँ , रौतहट नै ठेगाना भई काठमाण्डौको डल्लु बस्ने २० वर्षीय प्रविण पधार र भारतीय नागरिक १८ वर्षीय मुकेश बानियाँ रहेका रहेका छन् ।
उनीहरूको साथबाट गोली लोड गरिएको पेस्तोल तीन थान , ओलम्पस क्यामेरा , फोटो स्मार्ट क्यामेरा र सटर फोर्न बनाइएको घरेलु हतियार बरामद भएको प्रहरीले जनाएको छ ।
गस्तीमा रहेका प्रहरीले चेकजाँच गर्ने क्रममा पक्राउ परेकाले प्रहरी जवान प्रतीक बनियाको हातमा टोकेका थिए । उनीहरूको टोकाइबाट प्रहरी जवान बानियाँ घाईते बनेका छन् । उनको स्वयम्भू स्थित मनमोहन मेमोरियल अस्पतालमा उपचार भइरहेको प्रहरी परिसरले जनाएको छ ।
