बिर्तामोड / झापाको बुद्धशान्ति गाउँपालिका -१ पुल्चोकमा दक्षिणबाट उत्तर तर्फ जाँदै गरेको नम्बर उल्लेख नभएको मोटरसाइकल आफै अनियन्त्रित भई ट्रकमा ठोक्किँदा एकजनाको मृत्यु भएकोे छ । मृत्यु हुनेमा बुद्धशान्ति गाउँपालिका -७ का २५ वर्षीय अन्जन फागो रहेका छन् । मोटरसाइकल चालक फागोको उपचारको क्रममा बिर्तामोड स्थित बि एण्ड सी अस्पताल मृत्यु भएको प्रहरीले जनाएको छ ।
यस्तै मोरङको बुढीगंगा गाउँपालिका-१ गंगाचोकमा पनि मोटरसाइकल दुर्घटना हुदाँ एक जनाको मृत्यु भएको छ । मृत्यु हुनेमा मोरङ टङ्किसिनुवारीका- २५ वर्षीय किशोर कुमार माझी रहेका छन् । ना ३ ख २३९ नम्बरको कन्टेनर र स १० प २८८६ नम्बरको मोटरसाइकल एक आपसमा ठोक्किँदा मोटरसाइकल चालक माझीको मृत्यु भएको हो । दुर्घटनाबाट घाइते भएका माझीको उपचारको क्रममा विराटनगरको टिचिङ अस्पतालमा मृत्यु भएको प्रहरीले जनाएको छ । दुबै घटनाको सम्बन्धमा प्रहरीले थप अनुसन्धान गरिरहेको छ ।
