सल्यान / सल्यानको इलाका प्रहरी कार्यालय श्रीनगर सल्यानमा कार्यरत प्रहरी जवान मृत अवस्थामा फेला परेका छन् ।
इलाका प्रहरी कार्यालय श्रीनगर सल्यानमा कार्यरत रुकुम मुसीकोट नगरपालिका बडा नम्बर १३ का पवन केसीको प्रहरी कार्यालय नजिकै भगवती खोला जाने नालामा पोशाक लगाएकै अवस्थामा केसीको शव भेटिएको हो ।
पवन गत फागुनमा मात्र सुर्खेतबाट काज सरुवा भएर सल्यान हाजिर भएको बताइएको छ । सोमबार राती १० बजेदेखि २ बजेसम्म इलाका प्रहरी कार्यालय श्रीनगरको मेनगेटमा डिउटिमा रहेका केसी मंगलबार बिहान मृत अवस्थामा फेला परेको प्रहरीले बताएको छ । घटनाको कारण भने खुलेको छैन । छाँगोबाट खसेर मृत्यु भएको हुनसक्ने अनुमान गरिएको छ ।
स्थानीयले शव देखेपछि प्रहरीलाई खबर गरेको बताईएको छ । घटनाबारे अनुसन्धान सुरु भएको प्रहरी निरीक्षक अर्जुन पौडेलले बताएका छन् ।
