बिर्तामोड / पूर्वाञ्चल विश्वविद्यालयले विभिन्न पदका लागि १११ जना कर्मचारी माग गरेको छ ।
विश्वविद्यालयको सेवा आयोगको कार्यालयले बढुवा, आन्तरिक र खुल्ला/समावेशी प्रतियोगिताद्वारा स्थायी पदपूर्ति गर्ने जनाएको छ ।
विश्वविद्यालयले अधिकृत, मुख्य सहायक, सहायक र श्रेणीविहीन पदका लागि कर्मचारी माग गरेको हो ।
विश्वविद्यालयले अधिकृत पदका लागि ११ जना कर्मचारी माग गरेको छ । अधिकृत पदका लागि विश्वविद्यालयले प्रशासन, लेखा, भण्डार, पुस्तकालय, कम्प्युटर र कानून सेवा/समुहका लागि सो सङ्ख्यामा कर्मचारी माग गरेको हो ।
मुख्य सहायक पदका लािग विश्वविद्यालयले २६ जना कर्मचारी माग गरेको छ । मुख्य सहायक पदका लागि विश्वविद्यालयले प्रशासन, लेखा, भण्डार, पुस्तकालय, कम्प्युटर, स्टाफ नर्स र मुख्य ओभरसियर सेवा/समूहका लागि सो सङ्ख्यामा कर्मचारी मागेको हो ।
सहायक पदका लागि ४० जना कर्मचारी माग गरिएको छ । यस पदका लागि प्रशासन, लेखा, भण्डार, ल्याब असिस्टेन्टसिभिल, ल्याव असिस्टेन्ट(इलेक्ट्रिकल), ल्याब असिस्टेन्ट(कम्प्युटर), ल्याब असिस्टेन्ट र ल्याब असिस्टेन्ट सेवा/समुहका लागि कर्मचारी माग गरिएको विश्वविद्यालद्धारा नारी विज्ञापनमा उल्लेख छ ।
यस्तै, विश्वविद्यालयले श्रेणी विहीन पदमा ३४ जना कर्मचारी माग गरेको छ । यस पदका लगि ड्राइभर लाइट, ड्राइभर हेभी, पियन, माली, लौण्ड्री, भान्से र कुचिकार सेवा/समुह पदका लागि सो सङ्ख्यामा कर्मचारी माग गरेको छ ।
शैक्षिक योग्यता पुगेका नेपाली नागरिकले आगामी वैशाख १९ गतेसम्म आवेदन दिन सक्ने जनाईएको छ । यस्तै विश्वविद्यालयका अनुसार दोब्बर दस्तुर तिरेर वैशाख २६ गतेसम्म आवेदन दिन सकिने छ । पूर्वाञ्चल विश्वविद्यालय, सेवा आयोगको कार्यालयको वेबसाइटमार्फत अनलाइन दरखास्त दिनु पर्ने छ ।
अधिकृत पदका लागि आवेदन दस्तुर ३५ सय रुपैयाँ, मुख्य सहायक पदका लागि २५ सय रुपैयाँ, सहायक पदका लागि २ हजार रुपैयाँ र श्रेणी विहीन पदका लागि एक हजार ५ सय रुपैयाँ बुझाउनु पर्ने विज्ञापनमा उल्लेख छ ।
समावेशी समूहमा समेत आवेदन दिने उम्मेदवारले थप समूह वापत २० प्रतिशत थप शुल्क लाग्ने छ ।
