बिर्तामोड / जिल्ला ट्राफिक प्रहरी कार्यालय झापाको नवनिर्मित भवन आज उद्घाटन भएको छ । सोमबार प्रदेश १ का आन्तरिक मामिलामन्त्री केदार कार्कीले नवनिर्मित भवनको उद्घाटन गरेका हुन् । भवन प्रदेश १ को सरकार र बिर्तामोड नगरपालिकाको सहयोगमा निर्माण भएको हो ।
भवन निर्माणका लागी १ नम्बर प्रदेश सरकारले एक करोड ८८ लाख रुपैयाँ र बिर्तामोड नगरपालिकाले अनारमनी-३ स्थित बिर्ताबजार उत्तरमा ६ कठ्ठा जमिन उपलब्ध गराएको थियो । भवन उद्घाटन कार्यक्रममा भवन निर्माणमा सहयोग गर्ने ट्राफिक प्रहरीलाई विगतदेखि नै सहयोग गर्ने मानिसहरूलाई सम्मान गरिएको छ । भवन एक करोड ८८ लाख ८५ हजार ५७७ रुपैयाँ ९८ पैसाको लागतमा भवन निर्माण भएको जिल्ला ट्राफिक प्रहरी कार्यालय झापाका प्रमुख प्रहरी निरीक्षक निशेष चापागाँईले बताएका छन् ।
