बैतडी / बैतडीमा मिनी ट्रक दुर्घटना हुँदा एक जनाको मृत्यु भएको छ , भने अन्य पाँच जना घाइते भएका छन् । मृत्यु हुनेमा सुर्नया नगरपालिका-३ का २५ वर्षीय दुर्गा चन्द रहेको इलाका प्रहरी कार्यलय पाटनका प्रहरी प्रमुख राजेश शाहीले जानकारी दिएका छन् ।
बैतडीको पाटनबाट सुर्नया नगरपालिका जादैँ गरेको ट्रक आइतबार साँझ दुर्घटना भएका थिए । गम्भिर घाइते भएका सुर्नया गाउँपालिका -३ का ३५ वर्षीया माधवी चन्द, ३५ वर्षीया वसन्ती भट्ट र ३३ वर्षीया कलावतीको डडेल्धुरा अस्पतालमा र सामान्य घाइते भएका सुर्नया नगरपालिका-३ कै २८ वर्षीया निर्मला चन्द र ३३ वर्षीया पार्वती बिष्टको पाटनमा उपचार भइरहेको प्रहरी प्रमुख शाहीले बताए ।
ट्रक चालक पाटन-४ का विरेन्द्र खत्री फरार रहेका र उनको खोजी कार्य जारी रहेको प्रहरीले जनाएको छ ।
