काठमाडौं / सेयर कारोबार मापक नेप्से परिसूचक साताको पहिलो दिन (आइतबार) दोहोरो अंकले घटेको छ ।
नेप्से परिसूचक १४ दशमलव ६७ अङ्कले घटेर २ हजार ६ सय १६ अंकमा झरेको हो ।
त्यस्तै ‘क’ वर्गका कम्पनीहरूको कारोबार मापन गर्ने सेन्सेटिभ इन्डेक्स पनि ३ दशमलव ०१ अंकले घटेको छ ।
नेप्से परिसूचक घटेसँगै कारोबारमा पनि धेरै वृद्धि देखिएन । दिनभर भएका ३५ हजार २१२ कारोबारबाट २२४ कम्पनीका ४२ लाख ८७ हजार ५६९ कित्ता सेयर किनबेच भएका छन् ।
जसअनुसार कारोबार रकम २ अर्ब २७ करोड ४६ लाख २६ हजार १९१ रुपैयाँमा रोकिएको छ ।
