प्यूठान / प्युठानको रातामाटाबाट दाङ आउँदै गरेको बस दुर्घटना हुँदा एक जनाको मृत्यु भएको छ भने २२ जना घाइते भएका छन् ।
प्युठानबाट दाङको घोराही आउँदै गरेको ना ३ ख ७१३२ नम्बरको बस शनिबार बिहान ११ बजे प्युठानको माण्डवी गाउँपालिका –२ सेतोपरामा दुर्घटना भएको हो ।
दुर्घटनामा परी दाङको घोराही –३ का एक वर्षीय बालकको मृत्यु भएको प्रहरी कार्यालय प्युठानका प्रहरी नायब उपरीक्षक (डीएसपी) सत्यनारायण थापाले जानकारी दिए ।
थापाका अनुसार घाइते भएका २२ जनालाई उपचारका लागि दाङ स्थित राप्ती स्वास्थ्य विज्ञान प्रतिष्ठानमा लगिएको छ ।
