सर्लाही / सर्लाहीको लालबन्दी नगरपालिकामा फरार अभियुक्त पक्राउ गर्न गएका प्रहरीमाथि आक्रमण भएको छ ।
बिहीबार राति फरार भएका अभियुक्तलाई समात्न जाने क्रममा लालबन्दी नगरपालिका –१२ र १३ को सीमामा पर्ने झोलुङ्गे पुलमा स्थानीय युवाहरुले पत्थरकोट प्रहरी चौकीका इन्चार्ज प्रहरी नायब निरीक्षक (सई) रामएकबवाल यादवमाथि आक्रमण गरेका हुन् ।
घाइते यादवको काठमाडौँस्थित नेपाल प्रहरी अस्पतालमा उपचार भइरहेको सर्लाहीका प्रहरी उपरीक्षक (एसपी) कृष्ण प्रसाईंले जानकारी दिए ।
एसपी प्रसाईँका अनुसार आक्रमण गर्ने समूह फरार भएको र उनीहरूको खोजी भइरहेको छ ।
