डडेल्धुरा / डडेल्धुरामा गोली लागेर एक जनाको मृत्यु भएको छ । मृत्यु हुनेमा गन्यापधुरा –४ का ४५ वर्षीय दलबहादुर पान रहेका छन् ।
पानको गन्यापधुरा गाउँपालिका –५ स्थित पटौरा सामुदायिक वनमा जङ्गली जनावर मार्नका लागि थापेको भरुवा बन्दुकको पासो परेर मृत्यु भएको जिल्ला प्रहरी कार्यालय डडेल्धुराका प्रहरी नायब उपरीक्षक देवेन्द्र पालले जानकारी दिए ।
पालका अनुसार घटनामा संलग्न रहेको आशङ्कामा प्रहरीले चार जनालाई नियन्त्रणमा लिएको छ ।
