काठमाडौं / दमकतर्फ जाँदै गरेको बस संखुवासभामा दुर्घटना हुँदा कम्तिमा १० जनाको मृत्यु भएको छ । बा ४ ख ७३५ नम्बरको उक्त बस आज बिहान करिब साढे सात बजे तिर संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको प्रहरीले जनाएको हो ।
दुर्घटनामा १० जनाको मृत्यु भएको पुष्टि भएको डिएसपी लालध्वज सुवेदीले जानकारी दिएका छन् । बस सडकबाट करिब साढे ३ सय मिटर तल खसेको छ । घटनास्थलमा उद्धारकार्य भइरहेको प्रहरीले जनाएको छ ।
