काठमाडौं / चिनियाँ विदेशमन्त्री वाङ यी नेपाल आउने भएका छन् । विदेशमन्त्री वाङ मार्च महिनाभित्रै नेपाल आइपुग्ने परराष्ट्र मन्त्रालय स्रोतले जनाएको हो ।
वाङ यी नेपाल आउन दुबैतिर तयारी भइरहेको र मिति तोक्न बाँकी रहेको परराष्ट्र मन्त्रालय स्रोतले जानकारी दिएको छ । एमसीसी पारित भएपछि पछिल्लो समय अमेरिकासँग व्यापार युद्ध गरिरहेको उत्तरी छिमेकी चीनसँग नेपालको सम्बन्ध कसरी अघि बढ्ला भन्ने चासो भइरहेका बेला चिनियाँ विदेश मन्त्री काठमाडौं आउन लागेका हुन् ।
वाङ यसअघि २०७६ असोजमा भएको राष्ट्रपति सी चिनफिङको भ्रमणअघि नेपाल आएका थिए ।
