झापा / महोत्तरीमा सुमो र मोटरसाइकल दुर्घटना हुदाँ दुई जनाको मृत्यु भएको प्रहरीले जनाएको छ । मृत्यु हुनेमा मोटरसाइकल चालक महोत्तरीको गौशाला नगरपालिका २ का २२ वर्षीय सञ्जित मण्डल र सम्सी गाउँपालिका १ पर्साका प्रबोध मण्डलका छोरा १२ वर्षीय धिरज मण्डल रहेका छन् ।
सोमबार साँझ साढे ७ बजे औरही नगरपालिका ४ कठुधारस्थित माइस्थान सम्सी सडकखण्डमा सम्सीबाट गौशालातर्फ आउँदै गरेको अनटेस्ट मोटरसाइकल र विपरीत दिशाबाट जाँदै गरेको प्र–०२–००१ च०८४१ नम्बरको सुमो आपसमा ठोक्किएको थियो । दुवै जनाको जलेश्वर अस्पतालमा उपचारका क्रममा मृत्यु भएको महोत्तरी प्रहरीले बताएको छ ।उपचारका लागि जलेश्वर अस्पताल लगिएकोमा चिकित्सकले मृत घोषणा गरेको जिल्ला प्रहरी कार्यालय महोत्तरीले जनाएको छ । घटनाबारे थप अनुसन्धान भइरहेको छ ।
