झापा / बाँकेमा प्रहरीले अवैध लागूऔषध र पेस्तोलसहित तीनजनालाई पक्राउ गरेको छ ।
खजुरा गाउँपालिका –१ बहादुरपुरबाट ९० ग्राम अवैध लागूऔषध ब्राउनसुगर र म्यागजिन नभएको १ थान अटोमेटिक पेस्तोलसहित उनीहरूलाई गएराति प्रहरीले पक्राउ गरेको हो ।
पक्राउ पर्नेमा खजुरा गाउँपालिका –१ बहादुरपुर बस्ने २५ वर्षीय गल्क्षी भनिने रवीन्द्र थापा, सोही गाउँपालिका –२ बस्ने २७ वर्षीय मनिष थापा र नेपालगञ्ज उपमहानगरपालिका –१३ भृकुटीनगर बस्ने २८ वर्षीय सुरेश रोका मगर छन् ।
प्रहरी चौकी राधापुर र इलाका प्रहरी कार्यालय धनौलीबाट खटिएको प्रहरीले रविन्द्रको साथबाट उक्त लागूऔषध र घरमा लुकाइ राखेको उक्त पेस्तोल फेला पारी रवीन्द्र तथा उनीसँग कारोबार गर्ने मनिष र सुरेशलाई समेत पक्राउ गरेको हो ।
