झापा / ओखलढुङ्गाको सिद्धिचरण नगरपालिका-५ सिस्नेखोला स्थित रुम्जाटार ओखलढुंगा भित्री सडक खण्डको माम्खामा दुर्घटना हुँदा १ जनाको मृत्यु भएको छ ,भने ७ जना घाईते भएका छन । मृत्यु हुनेमा ओखलढुङ्गा चिसंखुगढी गाउँपालिका -३ दियालेकी ३८ वर्षीया कुमारी श्रेष्ठ रहेकी छिन । आज बिहान ८ बजे ओखलढुंगा तर्फ आँउदै गरेको प्रदेश १-०२-००१ ज ३८७५ नम्बरको बोलेरो अचानक सडकबाट २५ मिटर तल खसेर दुर्घटना भएको थियो । दुर्घटनामा परी श्रेष्ठको घटनास्थलमै मृत्यु भएको तथा घटना सम्बन्धमा थप अनुसन्धान भइरहेको जिल्ला प्रहरी कार्यालय ओखलढुङ्गाले जनाएको छ ।
