झापा / बाँकेको मान खोलामा शनिबार एक बालिका मृत अवस्थामा भेटिएकी छन् । बैजनाथ गाउँपालिका -२ गर्जेटोल बस्ने भक्त बहादुर रानाकी छोरी ५ वर्षीया सपना राना सोही ठाउँस्थित मान खोलामा शनिबार राति मृत अवस्थामा भेटिएकी हुन् ।
दिउँसोदेखि घरबाट हराएकी उनको खोजी गर्नेक्रममा उक्त खोलामा डुबेको अवस्थामा शव भेटिएको प्रहरीले जनाएको छ ।
इलाका प्रहरी कार्यालय वनकटुवा र इलाका प्रहरी कार्यालय कोहलपुरबाट खटिएको प्रहरीले यस सम्बन्धमा आवश्यक अनुसन्धान गरिरहेको छ ।
