झापा / बाँकेमा अमेरिकन पेस्तोलसहित तीन जनालाई मंगलबार प्रहरीले पक्राउ छ ।
बाँकेको डुडुवा गाउँपालिका–४ राप्ती पुल नजिकबाट मेड इन यूएसए लेखेको १ थान अटोमेटिक पेस्तोल, सोको १ थान म्याग्जिन, ९ राउण्ड गोली, १ थान खुडा र २ थान नोकसहित ३ जना पक्राउ परेका हुन ।
पक्राउ पर्नेहरूमा नेपालगञ्ज उपमहानगरपालिका–१८, कारकाँदो बस्ने २९ वर्षीय सुशान्त केसी, सोही उपमहानगरपालिका–१२ कोरियनपुर बस्ने २८ वर्षीय दीपेन्द्र अधिकारी र कैलाली लम्किचुहा नगरपालिका–३ बस्ने ३२ वर्षीय द्वारिका उपाध्याय छन् ।
उक्त स्थानमा गोली पड्काएजस्तो आवाज आएपछि इलाका प्रहरी कार्यालय बनकट्टीबाट खटिएको प्रहरी टोलीले नेपालगञ्जबाट राप्ती नदीतर्फ जाँदै गरेको सुशान्तले चलाएको बागमती प्रदेश ०१–०२५ च ३०९७ नम्बरको गाडीलाई जाँच गर्दा पेस्तोल भेटिएको हो ।
गाडीको सिट पछाडि झोलामा लुकाई राखिएको अवस्थामा उक्त हतियार फेला पारेपछि गाडीमा सवार उनीहरूलाई पक्राउ गरिएको प्रहरीले जनाएको छ ।
