झापा / दाङको राप्ती गाउँपालिकामा कारले मोटरसाइकललाई ठक्कर दिँदा १० वर्षीया बालिकाकोमृत्यु भएको छ । दुर्घटनामा अन्य तीन जना घाइते भएका प्रहरीले जनाएको छ ।
दुर्घटनामा राप्ती गाउँपालिका ७ आनन्दपुरकी १० वर्षीय सन्ध्या चौधरीको मृत्यु भएको इलाका प्रहरी कार्यालय भालुवाङका प्रहरी निरीक्षक भुवन भट्टले जानकारी दिए ।
दुर्घटनामा मोटरसाइकल चालक राप्ती ६ का ४४ वर्षीय जयराम चौधरी र उनकी बहिनी ३५ वर्षीया वेदकुमारी चौधरी घाइते छन् । मृतक बालिका जयरामकी भान्जी हुन् ।
अनियन्त्रत कारले ठक्कर दिँदा सडकमा पैदल हिँडिरहेका लमही नगरपालिका ८ असानीका २८ वर्षीय पारस बोहरा पनि घाइते भएका छन् ।
दुर्घटनामा गम्भीर घाइते बालिकाको उपचारको क्रममा जमही अस्पतालमा गएराति मृत्यु भएको हो ।
गोबरडियाबाट सिसहनियातर्फ जाँदै गरेको लु २ च ७६८२ नम्बरको कारले विपरीत दिशाबाट आउँदै गरेको रा ३ प ३४६१ नम्बरको मोटरसाइकललाई मंगलबार राति १० बजे गढवा गाउँपालिका २ महादेवा पुल नजिकै ठक्कर दिँदा दुर्घटना भएको प्रहरीले जनाएको छ ।
दुर्घटनापछि कार चालकलाई पक्राउ गरिएको प्रहरीले जनाएको छ । घाइतेहरूको स्थानीय अस्पतालमा उपचार भइरहेको छ ।
