झापा / खोटाङको ऐसेलुखर्क गाउँपालिका- ७ स्थित भित्री सडक खण्डमा मोटरसाइकल दुर्घटना हुँदा १ जनाको मृत्यु भएको छ ।
मृत्यु हुनेमा चितवन भरतपुर महानगरपालिका - ६ घर भई खोटाङ जिल्लाको रावाबेसी गाउँपालिकामा कार्यरत प्राविधिक ३१ वर्षीय दीपक ढुंगाना रहेका छन ।
हिजो बेलुकी साढे ४ बजे प्रदेश ३-०२-००७ प ५३३३ नं को मोटर साइकल अनियन्त्रित भई दुर्घटना हुँदा पछाडि सवार रहेका ढुंगाना घाईते भई उपचारको लागि काठमाण्डु तर्फ लैजाने क्रममा बाटोमै मृत्यु भएको हो ।
मोटरसाइकल चालक खोटाङ ऐसेलुखर्क -३ का हुलास गुरुङलाई इलाका प्रहरी कार्यालय ऐंसेलुखर्कले नियन्त्रणमा लिई थप अनुसन्धान भइरहेको छ ।
