बिर्तामोड / सुनसरीको धरान उप-महानगरपालिका-५ बाट प्रतिबन्धित लागू औषध सहित १ जनालाई प्रहरीले पक्राउ गरेको छ । पक्राउ पर्नेमा धरान-५ का २८ वर्षीय सुवास राई रहेका छन । हिजो राती ११ बजे लागूऔषध बेचबिखन भइरहेको छ भन्ने विशेष सूचनाको आधारमा इलाका प्रहरी कार्यालय धरानबाट खटिएको गएको प्रहरी टोलीले राईको सुत्ने कोठामा खानतलासी गर्दा स्पासपेन ७४२ ट्यावलेट, ट्रमाडोल ७१४ क्याप्सुल र टापेन ४० ट्याबलेट गरी जम्मा १४९६ ट्याबलेट तथा क्याप्सुल बरामद गरेको हो । निषेधित औषधी सहित पक्राउ परेका राईको इलाका प्रहरी कार्यालय धरानबाट थप अनुसन्धान भई रहेको छ ।
