काठमाडौं / धादिङ सदरमुकाम धादिङबेसी जोड्ने कालु पाँडे राजमार्गमा शुक्रबार बिहान मोटरसाइकलको ठक्करबाट एकजनाको मृत्यु भएको छ । मृत्यु हुनेमा पूर्व प्रहरी निरीक्षक मुक्ति सिग्देल रहेका छन ।
राजमार्गको नलाङ बैरेनी खण्डमा मोटरसाइकलको ठक्करबाट सिग्देलको घटनास्थलमै मृत्यु भएको हो ।
सिग्देललाई ठक्कर दिई फरार रहेका सिद्धलेक -२ पात्लेका चालक लोकबहादुर मगरलाई प्रहरीले खानीखोलाबाट नियन्त्रण लिइसकेको जिल्ला प्रहरी कार्यालय धादिङका प्रवक्ता प्रहरी नायब उपरीक्षक जागेश्वर भण्डारीले जानकारी दिए ।
