काठमाडौं / काठमाडौंको बालाजुमा मिनिबसको ठक्करबाट दुईजना पैदल यात्रुको मृत्यु भएको प्रहरीले जनाएको छ ।
मृत्यु हुनेमा रसुवा घर भएका १८ वर्षीय विकास तामाङ र नाम नखुलेकी करिब ५० वर्षीया महिला छन् । आज बिहान करिब ६ बजेतिर बसले किच्दा दुईजनाको मृत्यु भएको बालाजु प्रहरी वित्त प्रमुख डीएसपी गौतम मिश्रले जानकारी दिए ।
बालाजुस्थित गङ्गा हल अगाडि बाटो काट्ने क्रममा बसले ठक्कर दिएको थियो । ठक्करपछि मिनिबससहित चालक फरार भएको छन् । बसको नम्बर खुल्न सकेको छैन । घटनाबारे महानगरीय प्रहरी वृत बालाजुले अनुसन्धान गरिरहेको छ ।
