झापा / उदयपुर गढी गाउपालिका ७ उदयपुरको बाघखोर कोल्टे सडक खण्डमा मंगलबार साँझ भएको ट्रिपर दुर्घटनामा परी १ जनाको मृत्यु भएको छ भने ३ जना घाईते भएका छन् ।

उक्त सडक खण्डबाट बालुवा बोकेर जाँदै गरेको पवित्रा निर्माण कम्पनीको स १ क १९० नम्बरको ट्रिपर अचानक ब्रेक फेल भई सडकबाट अन्दाजी ४० मिटर तल खसेर दुर्घटना हुँदा उक्त ट्रिपरमा सवार रहेका ४ जना घाईते भएका थिए ।

OM Sai Pathibhara Hospital

घाईते चारै जनालाई उपचारको लागी जिल्ला अस्पताल उदयपुर पठाइएकोमा उपचारको क्रममा स्थानीय १९ वर्षीय उज्जल खपाङ्गीको मृत्यु भएको जिल्ला प्रहरी कार्यालय उदयपुरले जनाएको छ ।

अन्य घाईतेहरुको उपचार भइरहेको तथा घटना सम्बन्धमा थप अनुसन्धान भइरहेको उक्त कार्यालयले जनाएको छ ।